噴緊隻D-style Patlabor, 底灰之後上白色, 用Gaia EX白, 五六回塗都仲係見到底灰色(用我對眼判斷), 好似有陰影咁, 平時用GSI GX白三回塗已經幾乎摭晒了...最後我溝幾滴GSI GX白落去, 就好似平時咁三層就摭到...所以o係我心目中, 論摭蓋力, 一定係GSI GX贏。
坊間主流對gaia油評價都係好正面, 我既經歷卻係相反, 有以下不滿:
宣傳話摭蓋力高, 比起GSI 普通1,2號, 係掛..其餘就如第一段所說
宣傳話塗膜強, 唔易花... 我會話, 係塗膜韌, 但唔係硬, GSI GX乾後既感覺係好凍好硬, 兩件上色件碰撞, 個質感好似兩支瓦匙羹互敲...但係Gaia 係淋既, 好似油左乳膠漆既牆咁....最正係呢樣, 如果噴摭蓋膠紙, 撕開時, 邊沿真係會好似乳膠漆咁黐住拉起少少, 唔似GSI咁乾爽利落。如果有塵要打磨的話, 亦都容易出現高底級, 就好似D油未乾透就磨咁情況, GSI可以隔一陣就磨D塵, 用五金舖鷹牌砂紙都得, 但係gaia就要小心咁用田宮果D砂紙, 因為鷹牌果D硬質地好易o係gaia油上留底刮痕...噴完24小時都仲可以用指甲feel到插得入去...
可能, 係我唔識用, 不過我用GSI時係好地地冇以上三種問題
最後支Gaia白留來溝高光好了, 貪佢摭蓋力弱..hehehe
之前用Gaia EX黑都試過, o係底灰上薄噴, 會見到啡啡地色, 唔係gray scale漸變. 可是GSI EX黑又無呢個問題, 由灰色變黑色既過程 冇出現其他"雜色"
PS. 不過GSI透明藍又真係唔及Gaia, GSI綠綠地色的..
2 comments:
形容得好詳細 （好彩我買不到 Gaia 油，不必費心了！）
[版主回覆04/14/2011 17:21:00]可能我老點你, 正常人用唔會有問題. OCD at it again.. 打完呢句我又要去洗手喇.
咦，當年我係黑底上面直打gaia 白色幾層就攪掂喎！
你係咪開得太稀呢？
[版主回覆04/14/2011 16:57:00]的確噴到第三層左右, 會好似完全白色, 如果噴高達等不需要太白, 噴到此為止都可以接受... 可是同加左GX油的左右AB拼埋比較下, 就見到有分別..可惜相片看不出來, 左邊的是噴了Gaia ex, 右邊都係Gaia ex, 只是當中加了幾滴GSI gx...實物可以見到左邊的還有底色...(因為只加了幾滴, 所以我認為這是摭蓋力的問題, 不是色溫的分別.) 說實我都唔知自己開油既習慣算係厚一或杰, 因為未同其他人既慣習比較過, 只能說比起自己"以前"開得更杰... 撕開摭蓋膠紙後的高低級來看, 已經十分厚, 用我自己噴油既習慣黎比較, 呢個厚度如果係噴光油的話, 可以開始磨水貼邊了...
Post a Comment