今次目標係要做EP1 開頭Jegan隊長呢個抽劍pose。
唔會攪可動, 用換件來表達, 所以要複製前臂外加裝甲 同 劍柄
手掌會用GM Kai的, 之前已經複製左.
又係縮數慳矽膠, 劍柄用"強行開模"就咁浸入矽膠內, 只要用藍寶貼加闊注口就可以直接扯出來.
而裝甲內側唔需要太精準, A面模用自由樹脂黎做, B面先用矽膠, 慳材料又慳時間
倒劍柄時只要將個模撳扁, 吱D空氣出黎就得
順便複LED Mirage條頸換落去KOG度. (單面模)
純綷想盡快用晒D複件材, 短期內唔會再掂呢盒Stark Jegan
