噴油. 執下個櫃 修訂(二)

今日濕度勁高, 成九十幾%, 唔覺意舐左野, 噴光油變晒啞色, 明明裝左個濕度計o係噴油箱度, 硬係唔望多一眼先噴.. 之後即刻開抽濕機...好彩又OK...
另外 洗噴筆唔下下拆出黎洗仲好, 洗得太乾淨, 如果有塵入左去個油杯度, 會直接噴出來... 反而唔洗清入面積住D塵, 果舊"毛球"就好似filter咁隔住其他D塵. 哈哈哈.
依家等聽日光油硬少少之後, 放入盒再放o係電腦火牛上面烘佢...

正話翻舊blog睇到自己以前砌既空心膠模型, 醒起果時去五金舖買石膏, 佢冇就俾白英泥我...點解五金舖硬係咁既, 聽人講同自己都經歷過, 係咪不成文行規黎, 要買果D野佢冇既話, 好少少果D會話你聽:"唔駛搵喇, 呢樣野係唔存在架", 例如我試過搵2000號砂紙, 佢會話全宇宙冇咁幼, 最幼得1200。 衰D果D呢, 就會點你買另一樣野, 例如佢冇2000號砂紙, 佢會塞張200號俾你, 仲要係少一個零, 砌模唔會用到咁粗既200號, 唔係幼少少既1200號...

承上一篇blog, D存貨好亂要整理, 執下個CD櫃, 以前係唔理邊個作曲乜野類型, 全部都係0-9, A-Z咁排。要搵某一隻title就要成行慢慢數, 最煩係D title係意大利文, 我會用左佢個英文黎排, 到要搵果時就搵唔到...

依家決定跟左作曲排先, 之下再跟title排, 咁樣最起碼意大利文果D全部都係Morricone既, 唔見左都知一定o係M字果度...日系野就一定o係日系果度..