WIP D-Style Ingram 2號, 零式

搞掂D quickies後砌PG...呢個星期都忙約時間交收賣野買野

補偷膠

上關節色後mask..

主色, 之後要打磨抛光...打磨完之後拎D件去洗, 沖左一件part出太平洋, 要複製先可以繼續... 白色件在試組時, 有D緊既位一谷, 成層油跳出黎, 好似甩青咁, 多謝你Gaia.

試下支Liquid Gold手油菊花, 比想象中快乾快沉澱, o係個油碟度乾晒, 我再用t09開返佢...好似冇乜問題

Wave 1/100 Junchoon, Vatshu 入手, Vallejo金色

Wave 1/100 Junchoon $260
Wave 1/100 Vatshu The Black Knight $210
Vallejo Liquid Gold- 793 Rich Gold $28

今日拎左D DVD同埋D唔要既高達去舉, 之後入埋Wave果兩件被淘汰既1/100 FSS, 原本只係諗住平平地入埋二代目黑騎士, 不過一隻好似寡寡地, 入埋裘諾安陪佢, 俾錢果時千里達個老闆娘一定係諗:"好囉, 呢兩件野壓左咁耐, 終於賣埋出去!"

之後行老遠去佐敦康田, 買左支Vallejo(個尾好似係ho音的) Liquid gold -793 Rich Gold
手頭上有幾種唔同既金色, 每一隻效果都唔同, 左至右SM02, AV 793, Mr.九仔, Finisher's赤金, 坊間加透明橙黃的做法是絕對da咩的

因為我唔會買首辦, 斷估呢兩件野都唔會出新膠模, 而二代目個樣點出都係咁上下, 裘諾安就試下自己執正佢, 同系列剩低既LED Mirage, 因為有更好的1/144, 所以算了唔入, 剩係要寇拉斯王家既MH一對。

影盒, 朱諾2989, 裘諾安後面除左柏林, 仲有黑騎士二代摭住了.

呢張應該係朱諾3960, 上面的應該係五代目, 可是不是用劍和方盾?

個盒已經無乜味.
裘諾安張水貼無膠袋, 已經變左色, 仲有一塊用黎黐腳既蝕刻片, 呢盒野有唔少奇怪既組裝方法, 下面講.

黑騎既水貼就有膠袋, 冇變質, 我查過1999.co.jp, 佢地都係一盒有膠袋, 另一盒冇。

好大塊盾同後裙甲, D膠料好重, 睇舊forum話呢D膠係PS+ABS, 普通模型膠黐唔係咁實, 要加ABS膠兩溝 或者用化膠水
D件既背面全部都係打磨痕, 而個表面就令我諗起空心膠...

上網查話, 呢盒係重新包裝生產既平價版, 原版係過萬yen既...o係yahoo搵到張相, 唔知果時貴價買左既人, 睇見今日IMS三代目會有咩感觸

好粗碌既腳, 都可以諗下點執, 黑騎就真係諗都唔識

真係好空心膠feel.

Junchoon U字上高有兩點, 咁我估個J係讀Y音, 人地話個音就係似Unicorn...

水貼就咁放o係盒唔掂, 我將水貼入密實袋放晒去呢個盒度, 如果呢個保存方法會出事的話, 便全部攬炒了.

上面講到奇怪既組裝方法, 塊蝕刻片要放係膠上面, 再用辣雞溶左舊膠黎固定

Joint要自己cut..裙甲係用彈弓來裝的

edit:
砌牆係一門學問..
D磚唔同大小長闊, 要砌到o岩o岩滿, 兩個中size盒闊度 正等如 一個大盒 加 一個細盒, 仲要分顏色同主題...

最後原來有好多朋友都有呢兩盒野想低於半價平放...

Volks IMS 五星物語 破裂人偶 Bang Doll 破烈の人形 入手...

有晚o係床度諗諗下, 自從過年後買左HGUC Sinanju同砌完Unicorn, 就覺得好悶, 望住盒MG都唔想砌,
決定益街坊價賣左珍藏果套MG 新安洲 獨角獸連小說武器絕版水貼, 賣完加$30蚊就夠錢o係頑童$960買IMS Bang Doll。
對我黎講又係好似用$30蚊買到一樣咁爽, 唔要兩盒MG就換到IMS FSS, 很明智吧?
雖然話下年C3可能有平野, 不過成千銀閒錢o係我度, 最後只會陰D陰D咁用晒o係D雞毛蒜皮既野上面, 所以要即刻用左黎買最鐘意既野。

一開盒, 今次有開盒味喇, 因為呢個係第二次生產既貨黎, o係頑童買肯定係第二水新盒

盒側邊有英文, 唔知第一水係咪咁呢. (證實是不同的)

骨架大概就係一隻灰色, 冇金屬色

外甲既白色同淺紫, 靚靚..

o係頑童度好匆忙咁check下件, 平時唔會check. 因為係Made in China, 都係check下好, 不過只係數數目, 冇對ABC, 返到屋企再數, 嚇死我唔見左DEFG板, 只係數錯o者.
個頭..

今次好似無連動關節. (原來是有的)

而且果D位都係要自己cut, 同第一水一樣, 無改過

color guide和水貼, 銅枝, 我寧願個盾D花係刻上去好過水貼. 仲冇話我知心口塊野係咩色...
為何要用Gaia油I hate...好在只係把劍, 同埋我有果支瑩光透明粉紅

Volks IMS 五星物語 破裂人偶 Bang Doll 入手篇

http://blog.yahoo.com/_W7XTIRZPRE6ZWU3QEMGXYSM7YA/articles/16540

Volks IMS 五星物語 黑騎士 Batsh the Black Knight 入手篇

http://blog.yahoo.com/_W7XTIRZPRE6ZWU3QEMGXYSM7YA/articles/16471

Volks IMS 五星物語 炎子 V Siren Prominence 入手篇

http://blog.yahoo.com/_W7XTIRZPRE6ZWU3QEMGXYSM7YA/articles/141203

Volks IMS 五星物語 海子 V Siren Neptune 入手篇

http://blog.yahoo.com/_W7XTIRZPRE6ZWU3QEMGXYSM7YA/articles/141204

Volks IMS 五星物語 水龍 Schpertor KOG 入手篇

http://blog.yahoo.com/_W7XTIRZPRE6ZWU3QEMGXYSM7YA/articles/141205

賣仔: MG 獨角獸, 新安洲 etc

以下連結都係yahoo拍賣
Ver.Ka獨角獸水貼 + MG Ver.Ka Unicorn + 正版格靈炮 套餐

Ver.Ka新安洲水貼 + MG Ver.Ka Sinanju + 正版火箭炮 + 初回金幣 套餐

獨角獸 Unicorn 高達 MS Cage 獸籠

Alpha-Azieru 亞索龍 1/400 Gundam Collection

Bandai 連邦 高達 MS Hanger, 格納庫, 機庫

壽屋 1,2,3 號格納庫

吹水: 科幻類型? 高達類型?

呢篇blog只是說我砌模型既理念/執著

我鐘意高達, 睇高達動畫小說, 買高達模型, 砌模型的時候心在高達, 砌得好唔好別話, 至少砌出來要似高達, 我希望我個飾櫃入面放滿高達模型, 別人看到會有共嗚...而不是用高達模型拼出來, 但是故事中沒有的東西。 不砌高達, 買FIX,Robot魂etc儲的人, o係我心中佢地更加鐘意高達, 從佢地個櫃上面可以見到...沒有將高達變成別的東西, 我看到會有共嗚.

一直都不能明白為何砌高達的風氣同其他科幻類型有咁大分別...舉例 星戰, 五星都不會有改色、*改裝 既玩法 (*不是指detal-up, 而係GPB果種)...而且Bandai又好讚成

說是東西方既差異 講不通. 東方有五星甚至Macross等都不在此例..

一種講法是: 科幻不是真實. 所以可以隨便改... 亦不能解釋高達類為何會走歪, 別人的科幻都是有規有距... 可能我遲出世, 冇見證著高達如何發展成現在的樣子... 想到這裡甚至不明白為什麼: "科幻不是真實" 的講法會成立... 科幻和歷史軍事應該是一樣的呀?!

除非我自己經歷過戰爭, 否則歷史只不過是別人告訴我的故事, 這個程度上歷史不是真實的, 跟科幻故事是沒有分別的... 另一方面, 大家也是聽著同一個故事長大, 知道某些事件發生過...e.g.任何一次殖民星撞擊 ...所有人對呢D事件有共識, 就此而言 科幻 和歷史一樣是"真實的"。 再者那些坦克飛機也只不過是由"某些人"設計出來的, 跟科幻是一樣的, 為何會有分別?! 一架Zaku II J換了噴嘴的話, 就是F型了... 對我來說是真實的。我看到GP01用浮遊炮的反應是跟別人看到南北戰爭時有坦克車是一樣的... 可是高達就是有這種風氣, o係高達圈子內要找到同志很困難, 所以我開始去"學"其他"科幻歷史", 轉型好了。

噴筆開盒 岩田Iwata HP-C Plus + Gwazine級艦

今日出左去太子買Iwata噴筆, 時茂原價$890全部九折折實, $801

呢個價錢可以買到IMS五星模型, 不過睇完好多人推介, 決定要自己體驗下, 期望好似田宮金剪咁, 唔係純綷買虛榮同"手感", 真係有分別嗎?
外盒側邊: 內含 岩田Iwata HP-C Plus

 


大部份部件都可以另外配返, 噴嘴, 針, 至杯蓋都有, 只要佢唔好似Olympos咁執笠....
日文/英文 說明書..慢慢睇.

 


o係舖面可以現場檢驗, 呢張紙係出廠時用呢支筆試噴既結果, 近睇唔係太完美, 不過似係setup/ human factor, 睇過支針無咩問題就俾錢了...唔記得問D配件幾錢就走左, 不過聽講好似支針都係$60左右...要果時先買囉.

 

 


原本我就唔多在意造工同手感之類...不過我未親身駁起佢黎噴, 所以只能好膚淺咁講下
的確double action果個制係好唔同, 一路郁都唔會有吱吱聲, 後面頂針果粒野都好順, 順到好似假既一樣, 可能只係落左順滑劑, 但又好似唔多可能。 不過又唔係鋼琴, 長期拉住個制順DD同唔順似乎無乜所謂...
個油杯入面打磨到好順, 無台灣筆果D一圈圈既車工痕, 個杯形唔會漬油...係直達噴筆底部, 好近支針, 睇落好似一體車出黎咁, 台灣/大陸果支就好似o係筆身上面開個窿, 再駁個油杯落去咁...咁講唔知明唔明呢

 


Spec方面,
Telfon needle packing...唔係橡膠o-ring 唔怕天那水, 不過我都係用返模型thinner洗, 怕陣味.
噴嘴、活塞果D都係不銹鋼黎, cheap筆係銅... 我大陸果支野直情有銹, 入面啡色一達達
Air Consumption: 11(不知咩單位), 比起同廠低階噴筆低, Eclispse, Revolution都係20.. 我不知係什麼意思, 聽講話好似喇叭咁"易推D"

跟住出去深水...o係69店搵到Gwazine! 原價300yen...賣$60 -3-...都要俾架喇, 舊重戰機都有, 不過都係我買左果D, L Gaim MK1, MK2 再多幾隻1/100

 


其實我想砌0083迪拉茲艦隊的格瓦丹號(不是哈曼那艘), 佢同一年戰爭既Gwazine同級, 不過Size大左一倍, 無錯的話外觀係一樣, 所以比例唔只係1/2400了...