呢個價錢可以買到IMS五星模型, 不過睇完好多人推介, 決定要自己體驗下, 期望好似田宮金剪咁, 唔係純綷買虛榮同"手感", 真係有分別嗎?
外盒側邊: 內含 岩田Iwata HP-C Plus
大部份部件都可以另外配返, 噴嘴, 針, 至杯蓋都有, 只要佢唔好似Olympos咁執笠....
日文/英文 說明書..慢慢睇.
o係舖面可以現場檢驗, 呢張紙係出廠時用呢支筆試噴既結果, 近睇唔係太完美, 不過似係setup/ human factor, 睇過支針無咩問題就俾錢了...唔記得問D配件幾錢就走左, 不過聽講好似支針都係$60左右...要果時先買囉.
原本我就唔多在意造工同手感之類...不過我未親身駁起佢黎噴, 所以只能好膚淺咁講下
的確double action果個制係好唔同, 一路郁都唔會有吱吱聲, 後面頂針果粒野都好順, 順到好似假既一樣, 可能只係落左順滑劑, 但又好似唔多可能。 不過又唔係鋼琴, 長期拉住個制順DD同唔順似乎無乜所謂...
個油杯入面打磨到好順, 無台灣筆果D一圈圈既車工痕, 個杯形唔會漬油...係直達噴筆底部, 好近支針, 睇落好似一體車出黎咁, 台灣/大陸果支就好似o係筆身上面開個窿, 再駁個油杯落去咁...咁講唔知明唔明呢
Spec方面,
Telfon needle packing...唔係橡膠o-ring 唔怕天那水, 不過我都係用返模型thinner洗, 怕陣味.
噴嘴、活塞果D都係不銹鋼黎, cheap筆係銅... 我大陸果支野直情有銹, 入面啡色一達達
Air Consumption: 11(不知咩單位), 比起同廠低階噴筆低, Eclispse, Revolution都係20.. 我不知係什麼意思, 聽講話好似喇叭咁"易推D"
跟住出去深水...o係69店搵到Gwazine! 原價300yen...賣$60 -3-...都要俾架喇, 舊重戰機都有, 不過都係我買左果D, L Gaim MK1, MK2 再多幾隻1/100
其實我想砌0083迪拉茲艦隊的格瓦丹號(不是哈曼那艘), 佢同一年戰爭既Gwazine同級, 不過Size大左一倍, 無錯的話外觀係一樣, 所以比例唔只係1/2400了...
2 comments:
真係要等你用過看看你的用後評語。不過你上面指的幾項，我支 GSI 也是差不多的 spec。
[版主回覆05/05/2011 16:41:00]一直對支sparmax沒有什麼不滿, 只係近日睇review/forum, 似乎自己錯過左D更好既野..原本諗住用緊支Sparmax壞左先換, 不過諗諗下我可能用三五七年佢都唔壞, 到時已經完成左十件八件模型, 咁就dum春了..
個外盒包裝好似一盒A4紙 今日睇到"宏記"個膠袋，先知道原來69和宏記都係同一間公司來的！
[版主回覆05/06/2011 16:44:00]Slogan:"你的兒子也是賊" 佢D價錢比起廣華街果D合理. 好像都不是來自睡橫行的
Post a Comment