續 尋找金色的故事..

冇文字呀, 得唱歌仔
[youtube http://www.youtube.com/watch?v=F6SrZ-6cGVA&version=3&f=videos&app=youtube_gdata]
一早特登出去, 入到康田一睇地下以前放liquid gold個貨架...XYZ#*&..空既一支都冇! 想掉頭走, 行一個圈八掛下, 見到檯頭有一盒盒白色蓋既野, 埋去巢下係咩黎...正呀...一盒六支有齊

買左Vallejo Red Gold, Green Gold, White Gold, $28.5一樽抵到爛
上youtube睇見人油公仔, 用red gold做陰影, 跟住highlight 用white gold, 我諗想濃D就加D red gold, 淡D就加white gold吧?
另外買左支$23 Vallejo 半光澤(Satin), 同$29.5 Thinner看門口。
跟住行返去旺角, 諗住咩金色都試下, 連Gaia油都唔放過, 不過一拎起支 Gaia 10 金來睇, 底下D粉又係銀色既, 得談笑即時放返低...
上去富聯, 有赤金粉同青金粉, 7,8十蚊一包, 睇落正不過貴, 手頭已經有幾支AV就算了, 買左支郡是有盒裝既面相筆 $62, 寫住專利乜春特製.. 比田宮有盒既筆平好多, 唔知用落差幾遠..之前買廿幾蚊果D, 用一次就已經開叉了...

上面仲有DMC 0.12推刀, 陶瓷刀 好吸引但係忍手唔買咁多野

長谷川針銼 10支裝 $110, 因為平時用開果D係五金舖野, D邊位唔起角唔sharp又彎, 每次銼完都要執一餐...呢套乾淨企理好多...但係其實慳返$50蚊買5支裝就夠, 有D形狀好少用到, 五支裝最常用來來去去都係果兩支...都唔知點解會買左10支裝...

野雞U-star既鉗一套 $38, 好差, 長短厚薄都唔對稱, 點夾野呀? 真係唔應該貪平買土炮
某某店有老翻關節技 球形joints...諗住唔駛自己複件平平地買兩包, 不過一睇, $45...正版都係$40咋, 仲要翻得好核突...走

雖然唔係話有牌子寫住模型專用就會好D, 不過今次係真既

行信和, IMS得返一盒炎子

今日無無謂咁駛左三舊幾水