今日去左呢度hea

生日唔駛錢入海洋公園, 仲有coupon, 入面D機動遊戲都玩到厭晒, 所以全日只係hea展館同食野, 咁樣仲好玩, 無咁多怨氣, 玩刺激果D要排個幾鐘架嘛。
D展館入面多數都有冷氣, 加埋D水聲、濕度同埋太陽油既味爽爆, 一個館來回行幾轉, 有五個hea。
求其snap

D動物呢?

有一張Coupon係o係餐廳食野滿$200有八折, 呢間野o係山上纜車站隔離, 叫左一碟牛膝骨寬條麵($135)同咖喱雞飯($80), D汁OK唔算求其但又唔算超正, 仲有好鬼大碟, 有D格硬塞落肚, 所以四個hea。(相入面碟意粉係上錯菜, 冇食到)

已經好Q飽, 之後仲有一張coupon係o係下一層既餐廳消費$50送甜品($30上落), 買左支$28可樂同$30芝士蛋糕, 送果件就揀左一碟三杯鮮奶酪, 呢個超級正, 個景同上面一樣仲多左冷氣, 五個hea。

之後都係去行館, 上左山之後D館開始人多有汗味同唔夠凍, o係睇海豹果間館上面, 用埋果張小食亭八折coupon 食燒排骨+大碌腸薯條汽水。望落去下面係D刺激野, 門口打蛇餅, 諗都冇諗過要玩。落山

臨走見汽球冇乜人, 上左去一轉。

PS 今日全程都冇聽到其他人講廣東話