一個浪漫既構想.

探討一下可行性...UCHG渣古頭set入面既1/35人改成加圖..襯G=system GP02A頭..軍階造型上有咩要注意?

覆完診去買D part屎, 跟住去偉利...買返D 2mmX0.5mm版....因為原來手指公要粗D..費事駁....有條靚仔入到去話佢部PSP花左...想搵支銀色, 跟住佢捉住個客(以為係職員), 係咁問佢野, 果個客又真係答佢(不是我)...仲即場打開支銀油佢睇...跟住佢連開油+手掃 都打算即場教埋....後尾就醒起叫佢買支Marker......跟住呢個靚仔就以為係人都可以問, 走埋去櫃面問阿叔...:「呢支野入面係咪有粒珠架?」
阿叔:「冇架」
靚仔:「點解冇呢?」
阿叔:「唔好問喇, 有就有, 冇咪冇囉....下省」
個靚仔即時 退皮三尺...跟住我埋去俾錢....阿叔仲o係度勞氣緊....講左一堆野我都唔記得咁多, 講講下原來佢係同緊我講....:「你呢D就唔同呀嘛, 自己識....佢問咁多問咩呀, 轉頭又走左去..」
大佬John:(免強笑.)
阿叔: 「駛唔駛袋呀?」
大佬John:「就咁喇」
阿叔:「多謝」

綜合顯示, 阿叔主要係唔順眼果D學生o靚仔...對於幾類客, 一D係買平模型, 一D係買貴模型, 另一D係買補品, 都有唔同既服務態度...