書展返黎

原本想買果D, 搵唔齊冇買到, 上網買一次過仲好, 買左其他'散'野 : 兩本哥德堡號, 一本鄭和, 一本李敖既書...

後記: 書展應該叫做書節...因為你去到就會體會到, 大多數人都係平時唔睇書, 書展先會大量入貨, 綜合以下見聞:
(1). "乜呢度淨係得大陸書'架咋'?!"
(2). "車, D紙質好似報紙咁!"
(3). "漫畫呢?"
(4). "嘩, 咁厚!"(300頁)
(5). "你好有文化呀!"
(6). "簡體字黎既?點睇呀?"
(7). "漫畫呢?"
(8). "o下?!英文?"
(9). "乜你睇呢D既咩?"
(10). 老豆教過仔: "睇書睇薄薄地夠喇, 唔好買咁貴"
(11). 同學教同學: "你做閱讀報告之嘛, 薄薄地得喇"
, 仲拖架手拉車...如果平時有睇書, 一時間又點會有一大車書車返屋企呢, 場內又唔係多即場首日發賣既書...分明就係好似聖誕節咁, 十二月果幾日先會放棵聖誕樹出黎, 平時係掟埋一二邊既...
而書節既作用就係:
(1). 俾你有多幾日時間可以帶個細路去, 然後整唔見佢, 跟住o係會展玩萬人o菐呢呢。
(2). 引證進化史上面器官既微妙分化過程, 現代城市人係用口呼吸, 咁個鼻要黎做咩呢? 個鼻係要黎聞氣味既, 書節你就可以體驗用鼻吸入其他人個口呼出黎既清新空氣。