正話帶左contact lens出街..

正話帶左contact lens出街..
搞左一陣先攝到塊野入去, 明明已經放左入眼度, 但係仲黐住隻手指, 最後係禁住粒眼珠係咁捽先戴到, 奇怪咁樣用手指掂到眼珠都唔會唔舒服...D人話第一次戴會好唔慣, 之前有個同學成日隻眼都紅晒, 我戴完第二隻眼眨眼會好似沙入眼咁, 即時知道唔對路, 拎返出黎, 反轉佢再戴就舒服晒, 好明顯起紅根果個同學當日成日都係掉轉左塊鏡黎戴...

戴左睇野變大返, 依家個芒D字感覺好似用緊800*600咁, D模型油個樽變左凡士林咁大樽...
同埋條街多左好多靚女, 搭地鐵行過每一卡車箱都有一兩個..
自己個人又好似高左, 睇到好多人既頭頂...你問有冇咁神奇呀!?
我依家成日都不自覺咁, 用手指模鼻樑, 諗住托一托副眼鏡, 好戇car..

出 去旺角行下睇下HGUC GP01陸上型同埋GP02A雙地台舊版(唔太鐘意宇宙型gp01, gp02我要核彈同雙地台同隻GP01擺加圖搶GP01果場戲), 旺角偉利既HGUC應該係最平的了, GP02A做$105, GP01唔見有...咁入左GP02A先喇, 跟住去世紀睇下, 有GP01, 但係唔抵, 有盒MG S賣390(當時唔知以為係ExS,開心錯左), 再出去行下見到窩打老道果間有GP01, $75入左, MG電鍍GP01fb $200(唔買)...之後去洗衣街睇下Ex-S...賣$480...貴! 又見到GP01賣$72..平三蚊/.\...諗住買支一百頭既0.5mm槍用來噴灰, 但係揀唔o岩冇買到..
之後搭鐵去淘大星輝...MG Ex-S 賣$399!!平過旺角八十幾蚊!!即刻叫佢拎盒新既俾我!...你睇個盒幾巨咪!
返歸打開Ex-S個盒...後悔了...呆左

今日去左呢度!

葵青劇場..模型真人Show.
勁多勁人.大開眼界...行街入左隻Val-Walo, Enterprise 1701

Enterprise NX01

我o係波波諗住入晒五盒Enterprise nx01...點知果個豆皮仔話每人只限一盒同樣貨品, 不過我都買到兩盒.. o係街有個唔知星加波人定日本人, 問我Tri star點去...我挾持佢幫我拎多盒...
諗住叫我家姐放工同埋男友去幫我拎多兩盒!
點知上到去剩低果三盒唔知係俾人收起左定乜, 得返一盒擺左o係D要搵先有既地方..最後只買到一共三盒...可能有人睇左我D posts出去入左 LOL

17/12/06 獲

信和手辦舖入...蝕刻鋸...長督穿果D成百蚊一包, 呢度一包$35..
因為唔知易唔易報銷...買左兩包..勁抵...(見佢舖入面有電擊高級冠軍獎杯...)
仲有HGUC GP03S, Alex NT-1 係格晒價o係偉利買, $82,$80 。第二度成110, 98
仲見到波波有成五盒Enterprise NX01..pre-painted, 有燈... 紅牌$99...遲D入(見佢咁應該係死貨)
同埋點解波波女士有九折?

pre-painted係咁架...仲有紙牌隔開..以前好似賣好貴架..依家ebay都成4-50USD 完bid...不過我想要元祖果架Enterprise多D.

11/12 大大獲

一包銼, 水性flat clear, 眼影一盒, Two Towers Complete recordings, Michael Crichton新書Next(之前果本都未睇就出"next")

買到GP03D水貼

不過唔知貼去邊, 又要頭痕一輪
仲去電子舖買多兩粒大餅電池,一粒綠LED, 一粒紅, 一粒雙色閃, 三粒100ohm電阻, 一個開關, 諗住橫掂都係, 改埋隻Sazabi..

o係床尾鬥左個箱

遲D放埋隻GP03D入去