15/5 Ex-S

電動+蝕刻都唔容易, 唔識控制, 係咁走, 冇一條直線, 好彩既係應該冇cut多到...仲有排磨先黐得到..
好攰, 手都震, 今晚實勁好訓

雙油壓, 一條搵唔到咁粗, 兩條3-4mm似乎仲好

Joint project MG Ex-S 第一個星期

今日第一日, 只係做到拆袋執野, 將大部份件用個紙盒楝直咁插晒響度...方便搵...遲D會加返字母lable...六百幾春件呀...痴線.

細塊同太大塊易認既就放返入盒...有排都未用到佢地, 水貼、改件、補品全部執晒入一個盒度

次次砌野砌到最後, 淨返D地台呀,武器呀, 人仔呀咁都冇心機埋尾, 所以今次掉轉黎,
郁晒D周邊野先搞主體

地台放入櫃度度位, 長左咁多出黎, 要改短...


條support柱有三個位可以插, 1係最直, 2有少少角度,3就打橫...變型用既, 要廢左佢, 因為切前面既話驚佢會重心仆向前..就o係2同3呢度中間破佢柴, 拎走一吋幾再接返
埋, ABS膠唔知點黐好, 唔想用CA膠... 諗諗下最前條Y型可以做成油壓, 度好位7.5cm,
聽日放工去搵料先, 希望今晚可以介開個地台, 介得開再post

Ex-S準備之(二)

Ex-S準備之(二)

1. 地台太長, 呢度要切開再黐返埋地台吉住屎忽個位...要走線就睇佢

地台吉住屎忽個位...要走線就睇佢

一早就買左Samuel水貼

尼龍套, 取代支槍上面條喉, 原件會有夾口...直情換左佢

火箭Nozzle...分明就係要放LED入去呢度

兩個頭...G-sys好似細D...我可能用自由樹脂覆製頸同鎖骨位, 做一個獨立1/100 頭display.

大大個油缸, 仲有個backpack...marcolau要噴喇掛..快D買架生

柳釘...加detail...希望加得好好睇睇

障礙...咁大粒ball o係個火箭度...點走LED...裝燈nozzles就唔郁得

呢D膊頭位要介開, 再諗計放磁石, 唔影響活動能力, 仲有希望可以加兩條油壓上膊頭, 心口甲都爆開少少

Ex-S準備之(一)

約左marcolau今個星期開Ex-S波...今日少作準備一下...

今日放工去T-Hobby, 想買支cheap噴筆, 噴灰用, 之前果支九十蚊既0.6外部成霧bottom feed實在唔識控制, 一出就勁多, 勁大範圍...去到T-hobby竟然見到有自由樹脂, 即時入四包, 呢隻材料係掟落滾水會變軟, 可以壓模, 再冰火掟佢落凍水定形, 之後就可以用黎覆件!...仲有入左包磁石.....
問下有咩筆噴灰, 佢拎左支0.5出黎, 勁大個斗, bottom feed...$399, 雖然好fit噴灰, 但係over晒budget...同埋聽講用0.3噴2000灰都出到, 而且double action好控制, 所以買左另外果支國產$200既0.3 Double action...依家有兩支0.3...一支主力, 另一支消耗性質既噴灰筆....

返到屋企搵返舊果支出黎同呢支比下, 發現舊果支噴唔到水, 得氣...谷槍都冇泡...個制拉後左仲唔識自動返回原位, 唔係壞左呀嘛....再睇睇筆頭支針...冇郁過....索性拆開成支筆來研究研究, 之前一直都唔敢拆, 驚整孿支針, 驚砌唔返, 驚唔見parts, 但係依家唔拆唔得, 一拆開先知原來入面咁污糟, 支針俾D油黐實左...洗完裝返晒D野操作OK...

準備約定了的Ex-S

準備五月郁Ex-S...買左D補品, 差在未知用咩黎複件, 因為有兩個頭...想複多條頸出黎換頭用

壽屋柳釘

手鑽+嘴

零件盒, 大盒入面仲有獨立細盒

幼銅絲, 未知會點用, 但係預感會用得著
刻針

幼彈弓條, 都係未知會點用
尼龍套, Ex-S支槍背有條喉, 係膠黎既中間有夾口, 諗住換呢條套入去

金屬柳釘..火箭Nozzle應該唔會用o係Ex-S度, 不過都買左, 入埋鏡...全部都係T-hobby買

續. 影模型既架步

Set呢壇野都幾貴, 因為地台係Master Grade Ex. S 一盒 Kukuku...用黎托高影低角度...同埋格肋底反影到光入去(不過都係唔夠)
上面舖黑色紙...鏡頭背後左上角有檯燈射向右邊, 右下角用一塊康熙帝用過既古董鏡...相機本身用一個三十雞既腳架托住...手動快門光圈, 影多張唔同setting既再揀D o岩既出來...

10/4 夜晚都有得獲

但係...隻Zeta gundam好似冇晒原版D野...全部新的...再搵搵先..不過新果D野一聽落勁似Char's CA