Ex-S準備之(一)

約左marcolau今個星期開Ex-S波...今日少作準備一下...

今日放工去T-Hobby, 想買支cheap噴筆, 噴灰用, 之前果支九十蚊既0.6外部成霧bottom feed實在唔識控制, 一出就勁多, 勁大範圍...去到T-hobby竟然見到有自由樹脂, 即時入四包, 呢隻材料係掟落滾水會變軟, 可以壓模, 再冰火掟佢落凍水定形, 之後就可以用黎覆件!...仲有入左包磁石.....
問下有咩筆噴灰, 佢拎左支0.5出黎, 勁大個斗, bottom feed...$399, 雖然好fit噴灰, 但係over晒budget...同埋聽講用0.3噴2000灰都出到, 而且double action好控制, 所以買左另外果支國產$200既0.3 Double action...依家有兩支0.3...一支主力, 另一支消耗性質既噴灰筆....

返到屋企搵返舊果支出黎同呢支比下, 發現舊果支噴唔到水, 得氣...谷槍都冇泡...個制拉後左仲唔識自動返回原位, 唔係壞左呀嘛....再睇睇筆頭支針...冇郁過....索性拆開成支筆來研究研究, 之前一直都唔敢拆, 驚整孿支針, 驚砌唔返, 驚唔見parts, 但係依家唔拆唔得, 一拆開先知原來入面咁污糟, 支針俾D油黐實左...洗完裝返晒D野操作OK...

準備約定了的Ex-S

準備五月郁Ex-S...買左D補品, 差在未知用咩黎複件, 因為有兩個頭...想複多條頸出黎換頭用

壽屋柳釘

手鑽+嘴

零件盒, 大盒入面仲有獨立細盒

幼銅絲, 未知會點用, 但係預感會用得著
刻針

幼彈弓條, 都係未知會點用
尼龍套, Ex-S支槍背有條喉, 係膠黎既中間有夾口, 諗住換呢條套入去

金屬柳釘..火箭Nozzle應該唔會用o係Ex-S度, 不過都買左, 入埋鏡...全部都係T-hobby買

續. 影模型既架步

Set呢壇野都幾貴, 因為地台係Master Grade Ex. S 一盒 Kukuku...用黎托高影低角度...同埋格肋底反影到光入去(不過都係唔夠)
上面舖黑色紙...鏡頭背後左上角有檯燈射向右邊, 右下角用一塊康熙帝用過既古董鏡...相機本身用一個三十雞既腳架托住...手動快門光圈, 影多張唔同setting既再揀D o岩既出來...

10/4 夜晚都有得獲

但係...隻Zeta gundam好似冇晒原版D野...全部新的...再搵搵先..不過新果D野一聽落勁似Char's CA

頭痛骨赤敗家仔, 先洗未來錢, 我舐晒野

所謂 小膠可以怡情, 大膠則能亂性...
今日出葵芳諗住去搵1/144 MS Hanger, 去到新都會, 見到官欣娜..係美女廚房之類既野, o係大堂果度切野...
上四樓Toyc搵到Hanger...頂佢瑞華行, 賣$79, 再睇下佢Perfect Grade賣幾錢, GP01開價16XX...豈有此理. 即刻閃落去葵涌廣場
"散貨場"果度冇晒野賣...上兩層有一間賣幾多PG既舖
MKII賣八百幾
RX78-2 $550
HG GP03D 1/144 $19XX, 老細話係最後一盒
GP01/fb $1298, 老細話仲有好多, 我明知第二度賣11XX, 之前仲跌過一千, 九百幾, 不過果時我冇意慾
睇睇下PG RX78-2, 全開露骨好過癮, 再睇埋隻GP01, 連工作台, 可以換裝陸上型<->宇宙型...
全開果時仲宏偉..就咁衰左o係佢手, 因為俾Toyc激一激我...我EPS俾錢用1298入左佢, 原本只係打算買RX78-2, 俾完錢, 老細話係"原裝行貨黎, 返到屋企唔好拆膠袋, 有問題拎返黎", 不過佢冇俾單我~ 我拎住盒野唔知點返屋企, 行街勁多人望, 威盡稱霸! 擔心搭巴士唔知佢俾唔俾我上, 搭lift果時有個阿伯話:"D日本仔機械人真係害得人多", 師奶:"我個大仔呀, D利是錢咪買晒呢D野囉", 返到屋企即刻俾人盤問, 我話盒野$6XX佢又信...
跟住入房換衫check件! 見圖, 隻MG Ex-S個盒當堂變細左..入面有A,B兩個盒, 一盒等如一盒Ex-S咁大, 我放左隻手錶落去俾你知個大小, 支劍勁粗, 淨係對腳板都大過你果度! 全高320mm, 總件數1203 pcs, 你俾六年時間我完成佢, 好唔好?
見人地日本同韓國有一張AE員工證, 我呢盒冇, 唔知係咪瑞華抽起左定點樣

My workshop

有自來水、廢料收集/排放、換氣、自來電

正話帶左contact lens出街..

正話帶左contact lens出街..
搞左一陣先攝到塊野入去, 明明已經放左入眼度, 但係仲黐住隻手指, 最後係禁住粒眼珠係咁捽先戴到, 奇怪咁樣用手指掂到眼珠都唔會唔舒服...D人話第一次戴會好唔慣, 之前有個同學成日隻眼都紅晒, 我戴完第二隻眼眨眼會好似沙入眼咁, 即時知道唔對路, 拎返出黎, 反轉佢再戴就舒服晒, 好明顯起紅根果個同學當日成日都係掉轉左塊鏡黎戴...

戴左睇野變大返, 依家個芒D字感覺好似用緊800*600咁, D模型油個樽變左凡士林咁大樽...
同埋條街多左好多靚女, 搭地鐵行過每一卡車箱都有一兩個..
自己個人又好似高左, 睇到好多人既頭頂...你問有冇咁神奇呀!?
我依家成日都不自覺咁, 用手指模鼻樑, 諗住托一托副眼鏡, 好戇car..

出 去旺角行下睇下HGUC GP01陸上型同埋GP02A雙地台舊版(唔太鐘意宇宙型gp01, gp02我要核彈同雙地台同隻GP01擺加圖搶GP01果場戲), 旺角偉利既HGUC應該係最平的了, GP02A做$105, GP01唔見有...咁入左GP02A先喇, 跟住去世紀睇下, 有GP01, 但係唔抵, 有盒MG S賣390(當時唔知以為係ExS,開心錯左), 再出去行下見到窩打老道果間有GP01, $75入左, MG電鍍GP01fb $200(唔買)...之後去洗衣街睇下Ex-S...賣$480...貴! 又見到GP01賣$72..平三蚊/.\...諗住買支一百頭既0.5mm槍用來噴灰, 但係揀唔o岩冇買到..
之後搭鐵去淘大星輝...MG Ex-S 賣$399!!平過旺角八十幾蚊!!即刻叫佢拎盒新既俾我!...你睇個盒幾巨咪!
返歸打開Ex-S個盒...後悔了...呆左