五星物語 Volks SAV Bang Doll 破烈の人形 破裂人偶 加圖

3D圖



頭角像徵教堂避雷針, 有一長一短, IMS版只有長果支, 我複製左支短角將來砌IMS用


睇全相









其他半身、近鏡, 可能有重覆

















原來我冇乜影下身, 裙底點樣先可以有返D光呢

五星物語 Volks SAV Bang Doll 破烈の人形 破裂人偶 完成

クバルカン法国の最高機密MH
MH of MH the harezu no ninngyo

2013年結:一隻成品都冇, 2014先完成到呢件Bang Doll

開始砌時連剪2mm銅枝都唔識!
以100%完成度扣減失誤率、雜亂程度來計...
每次砌起一件野, 總係有D位遺憾, 但起碼你會睇得出有講究, 唔會一睇就知係七日鮮hea砌

以下有D砌開高達轉戰砌五星要注意既地方:
高達D裙甲永遠都係前面兩塊, 後面兩塊, 左右各一, 合埋眼都識砌。 五星就冇呢回事, 裝甲設計較多變化, 砌錯野累見不鮮, 好多時左右邊裝甲都唔一樣, 如果唔熟機設, 就一定要搵參考, 搵參考仲要搵可信既來源(設定集etc), 網上面D成品圖好多都錯, 照跟就蝦碌了




股關節改造過, 原本個pose應該係想跟設定咁打開腳, 不過幅設定圖唔可能o係現實出現既, Volks個pose照跟變左 角度限定正面怪pose.


雙腳指向(toe-out)改入左, 正面都唔會怪, 唔怕兜口兜面。盾牌掛正側


因為改左少少, 整體企高左, 劍要加長5-6mm先可掂地斜放


四支腳踭平行7字形掂地, 唔可以角度唔一樣、向後撐或者八字叉開。


裝甲緊密整齊排列, 唔好就咁鑽窿黐上去, 砌開高達走去砌一兩隻五星, 好容易就係呢D位俾人一眼睇得出, 通常就係一個亂字


裙尾向後微微揚起


右手呢度D凌邊位都要補AA+粉先出到來, 算係OK sharp喇。整齊排列!


上次砌1/144 KOG不斷噴光油以為好滑, 結果好似冰糖胡盧, 今次特別注意薄油, 保留邊沿sharp直, 凌邊角位好多都填補再磨sharp.
手臂內側又要平面又要半光澤, 搞得個半光澤表面順暢得來, 平面既邊位已經斜左少少


手指Highlight


劍刃由橙色變白再變粉紅, D坑紋用橙黃色洗塗


骨架只用兩種灰色溝啡, 完全冇用金屬色。條腰似異形, 裙甲好似朵花



滲線用法瑯油溝左隻同主色一樣既紫藍色, 之後加中性灰落去減低彩度.令D線多左層次但又唔會好似突然有第二隻色出現咁。


白色位滲線用灰色加少少綠來帶出白色之中有極少量綠色呢一點. 最正係問人借呢部相機, 影得到白色帶少少綠, 似有還無, 顏色同實物一樣, 十分滿意.
砌模型初學既滲線, 一直都係我做得最差果範, 因為OCD, 抹親都將所有線抹走晒。



頭頂有粒圓形, 因設定無法考證係咩色, 所以留返做紫色。


滲線唔係見有坑就滲, 領口呢度本身裝甲已有高低級, 條坑滲的話會好粗邊, 我選擇唔滲


最後迷思:
除左乾淨之外, 點先會令件模型睇落好巨大, 1/100似1/48

D人影現實城市景會用移軸去影到條街好似模型咁細。
反之影模型, 多數都會將件模型 影到好似一件模型, 同用微距影昆蟲一樣, 只顧影細節, 細節以外就鬆開晒, 變左明明1/100咁大隻都影到好似1/550咁細, 以前從來唔察覺有問題。
好似佢咁, 器材勁, 模型乾淨, 但係... 1/100影到似Warhammer, 做乜先?
http://blogs.yahoo.co.jp/w210amghide/folder/672074.html


現實情況隻1/1高達, 都唔會只見到左邊膊頭好清, 右邊膊頭就矇查查


正常離遠咁影一隻幾百米長既航空母艦, 見到甲板前面D飛機好清, 但艦橋唔會完全矇晒架嘛


申報一下 我唔識影相, 你見我D相連基本都冇, 個人又冇創意, 只係觀察思考同行多步(去google搵解決方法), 見到有Focus Stacking呢樣野, 可以用Photoshop做, 係指用腳架影幾張唔同focus既相, 再用軟件將佢地疊埋一齊。
http://www.youtube.com/watch?v=intzev1gsbI

影到咁大, 唔好處當然係所有霞疵都會放大出來.
我保證絕冇用clone stamp果D去執走瑕疵, 相入面你會見到有塵(實物可以抹走)。我只係做focus stacking同resize, 做返相機因鏡頭物理限制做唔到既野。

呢一張係用五張相 合拼出來既


以下係其中兩張原圖:
呢張對焦o係右手


呢張對焦o係後面盾度


聽晚再加圖, 多謝
不是靜的人亂入