大佬John Blog

大佬John

倒退進度...
今日噴白色, 但係都係唔得, 角位死晒
好彩冇噴盾同大小腿, 膊頭同護腕又再洗, 有D邊位甩左要再補
應該一早倒左D gaia油再溝過, 就唔駛搵黎搞
連埋支EX-01已倒晒, 洗埋樽, 樽底向上以示不滿
─────────────────────────↓ crap paint beware!

大佬John

關節開始分色, 除左大腿後面淺灰, 其他都是freehand噴, o係何大個blog度睇返來的的.. . 個表面越來越差.
劍果兩條能源線都係唔用彈弓, 換條1mm軟線落去.

手指節之間間一間色, 不過睇鬼到...

大佬John

今晚有雲海聽, 多左時間做
噴左眼影灰色, 同關節深灰色底色
效果滿意, D關節都唔太差, 有D位仲要磨下, 目標想做到唔用金屬色/珍珠粉都有金屬既感覺

大佬John

再劃過, 唔用噴, 綠色同瞳孔都加高光, 請無視周圍果D核突野, 今晚噴埋眼肚灰色睇下如何
一路dup低頭劃一路流鼻水打乞嚏真係好乞人憎, 間唔鐘仲有隻蟻o係檯面行過, 次次想捽死佢就走入去keyboard下面

再改, 唔要深紅, 換深綠, 唔劃果一點了, 冇射哩喇掛
淺錄位不變
打乞嚏斷左條鞭, 要剪左再駁
下巴摸摸下好似越來越圓, 切左再尖返, 呢度睇左邊下巴(相既右邊)好似唔利, 係塊膠既毛邊來, 一撥就甩

大佬John

本帖最後由大佬John 於 2013-4-26 04:42 編輯

今日晨咁早, 我老頭o係廳度扑野嘈醒左我之後訓唔到, D友仔退左休冇咩世藝就鍾意閒時o係屋企搵D明明冇壞好地地既野出來整...

好眼訓, 出面又落完雨, 唔敢噴大面積白色, 淨係試左少少色同. .射眼...
條腰之前噴左兩行淺灰, 因為偏藍色(中間背景), 加左D啡色再噴過(左)
眼珠係瑩光綠+透明藍, 瞳孔係紅色再噴Smoke, 不過睇落都係黑色... 遲D可能劃一點高光

大佬John

已經洗油, 跟住試下出怪招, 用Mr. White surfacer溝多D綠(左)用作打底。
理由係實物用肉眼睇, 會見到面層色綠色tone(來自主色), 但係如果用純白底, 影相容易睇到底色, 咁樣就會變左冇偏綠色, 似純白...所以底色誇張D加多D綠
結果(假想) 用肉眼睇實物, 會見到面層色, 影相時就算見到少少底色, 都唔會影響我想要果種效果, 就算有D位摭唔晒, 都可以當光影效果

噴左DD, 聽日先噴白色, 呢隻只係底色來咋, 注意唔好誤會
如果聽日噴白色都係唔理想, 我就掉佢落街

水隔隔左好多水, 換著係以前setup, 一早噴水了

大佬John

free hand冇masking試下噴兩隻灰色, 噴係噴到, 不過淺色果隻色唔o岩, 下次重做

搵左幾件唔駛mask其他色既白色同紫色件來噴, 等個製作過程冇咁悶, 順便實際試色。相機完全影唔到隻顏色, 不過到我完成晒就會去借部好D既機來影。

Gaia 油, 我真係用唔掂, 呢度白色同紫色有好大部份都係Gaia白, 噴完晒影相時仲軟軟地黐黐地。從膊頭果兩塊葉睇到, 仲見到底灰色, 可是我已經六, 七回塗, 可能係我開得勁稀。手腕果兩塊, 見唔見有綠色? 噴得好厚先出來

用背後白色盒測white balance, 用純白比較下, 希望你睇到綠色tone