PS3 ICO, Shadow of the Colossus 合集入手

入面果D主題同錄像唔駛DL, o係碟上收錄, 即係唔係初回都會有喇(?)

賣仔 : Deepstriker 1/100 連MG Ex-S

始終都係要賣.
全新 原裝 New G G-System Deep Striker Deepstriker 改件 連 MG Ex-S 高達 Gundam
http://hk.f1.page.auctions.yahoo.com/hk/auction/1128611650

我既Demon's Souls 經歷 2-1

今晚用肉體打2-1, 諗住o係起點等人放召喚. 等到一個之後, 俾人入侵... 但係條友入到黎又唔打..走去前面同我清晒條路, 開埋D機關...頂佢, 果版我未玩過, 行到入去乜都冇得打(俾佢打晒), 淨係可以執野, 之後我自己行左落熔岩成條HP冇左....

變返Soul form, 首先上樓上練下果隻肥佬點打, 死左兩次之後, 知道點避佢D火球, 埋去斬完即碌走. 之後一口氣打到蜘蛛大佬, 一take OK左..用矛吉佢..

拎返肉身之後繼續向前, 有舊野發綠光, 以為可食, 一行埋去走鬼左. 原來果D係Crystal Lizard..打完大佬先會spawn一隻, 殺到佢既話有野執, 返去Nexus再load 2-2, 今次lock住佢衝過去吉死左佢. 但係隔離有個炸彈..又俾佢炸走左個肉身...so sad..

橫掂都死左, Load 1-1去試下殺唔殺到紅眼騎士, 開防護 右手點火, 只扣到佢一半血...失敗而回
我知有個方法可以引佢跳樓死, 不過我想自己打

我既Demon's Souls 經歷 1-2

尋晚(即係頭先) 諗住同人coop 1-2拎返肉身先打Tower Knight... 一入到去連埋host有三個人, 但係我過第一段城牆俾龍噴中, 再俾上面兩條友射箭死左...so sad... 跟住返去再放signal, 等左一兩個字都冇人, 走左去行返1-1 grind 1,2千靈魂.

去2-1,3-1,4-1,逐個world試, 礦洞果版有肥佬放火, 唔夠打(要加防火), 仲有一版有八爪魚人都係可以一hit死, 得返骷髏骨果版好似適合我個角色(用鎚)...試完晒死夠返返去1-2

買左百幾支箭諗住射龍, 射左十幾支都好似唔中, 中都係扣少少少少... 試下單拖soul form去打tower knight, 搵左一個位可以射箭, 就咁掘死贏左tower knight...唔係真係用技術/近身 贏...

有幾千, 買夠三百支箭返去射龍, o係第一段城牆射左百幾支得左, 加埋有成2萬靈魂..(仲有近二百支多餘既箭)
買左新盔甲, 返去1-1 龍床執左 戒指升裝備重量, 依家跑起上黎淨係狗先追到...
釘盾都唔好用既, 換返Heated shield+1. Mace+1, Bastard sword+1, Winged Spear +3. Compound Short Bow+1. 另外有支Halberd, 單手同雙手用D 動作超正, 不過好難用. 室內一定會打牆

圖; 1-2城牆射龍

我既Demon's Souls 經歷 1-1,1-2

 

前晚打到1-1過左條紅龍飛來飛去果條橋.. 我個Allant王子死左, 因為唔知救左佢一次, 我死完要再救過...所以我拎左望遠鏡同王墓鎖匙
今晚開機, 諗住去到大佬場地實會死, 所以冇返轉頭去'龍床'果度執戒指..
點知個大佬唔難, 用火攻吉背脊 1 take過左, 拎返個肉身...

返Nexus up左level之後1-2, 條龍又係度飛來飛去. 除衫跑過城牆, 斬完狗, 執到三樣野, Winged Spear, Spiked Shield, Compound Short bow..
三件都唔夠level用, 跑返去Nexus 用無名士兵/Hero Souls換level.. 可以用Winged Spear, Compound Short bow
圖: 紅色火龍o係城牆上面噴火


之後跑到去第三段城牆, 避開左條龍, 但係唔知有兩個藍眼騎士o係度, 冇準備之下, 死鬼左變返Soul form...
變左Soul form之後再打左五六次都過唔到藍眼騎士, 一係跑到過去已經冇晒氣, 一係俾條龍噴中...
圖:用望遠鏡睇第三段城牆末端眼發藍光既騎士


返轉頭去1-1睇下條紅色龍仲o係咪度, 可以執耐火戒指(?), 不過條龍仲o係果個位
圖: 用望遠鏡1-1既'龍床


算, o係地下放低個召喚sign...唔駛半分鐘有人召喚我, Co-op幫佢打呢版, Connect左之後對方做左個'鞠躬'pose, 我唔識點做(按O幾秒+Six Axis), 所以前後左右行左幾步, 希望佢明...
佢個角色係用魔法+輕裝, 跑得快好多唔駛除衫, 所以第二段城牆佢行上面, 我行下面斬狗...去到第三段之前先會合(佢又鞠躬多次), 好易過埋藍眼騎士, 入去打大佬 Tower Knight. 清左牆上面D箭手之後, 佢留o係上面射魔法/箭, 我落下面斬腳眼(因為個大佬係Gundam Size, 只斬到腳眼), 消烕左大佬, 拎返個肉身... 我收左個A 評級 + 幾千靈魂, 夠level用Spiked Shield(唔知好冇用, 耐久比較低)

本來諗住熄機, 手多再試下過果兩個藍眼騎士.... 點知又死過..
再用Soul form試多次, 過到藍眼, 但係去到Tower Knight大佬 扣左佢5%血唔夠我就死左.
下次再grind下lvl 換盔甲 學魔術 買2,3百支箭先再入去同佢死過.

題外, 前幾日發覺我個頭後面有一個五蚊銀咁大既範圍無晒頭髮, 呢幾日飲左D芝麻粉首烏, 冇生多左頭髮, 但係真係好"益精"...

One Piece 超Styling 3D2Y, Demon's Souls

 

 

今次四隻人物之前未出過, 可以成set買 $175, 信和孤注有$10 coupon
有幾處上色出左界, 不過因為底色好厚, 可以就咁刮走佢...不過肚臍有達奇怪陰影..
好景買埋Demon's Souls $179 最後一隻, 今晚可以打住等 Dark Souls/GOW3




一路玩會見到其他玩家做D白痴野.
正呀. D友仔留言叫你行過去有寶...信佢都傻..
之後諗住返去買把弩弓, 地下寫住話新手唔好行果度, 我以為係老點, 行入去撞到紅眼騎士...一野死左...
聽晚由頭來過.
edit: 都係訓唔著, 忍唔住再開機打過, 拎返D 靈魂, 買左弩, 仲執多隻賊戒指, D中文翻譯好爛, 英文有D名詞都係日式...美版既話易明好多(但係server係atlus就黎關)