拎左隻高達無雙去舉, Wave 144 五星 Engage SR1入手

尋晚click click下Newsgroup. 見到有人買/賣高達無雙3, 原來呢隻Game咁保值. 反正我都唔再玩,
即時出post約左交收...回程順便買埋Wave隻1/144 SR1 Engage. 跟住去觀塘東廣場食熱狗,....

隻膠無3賣左$350止蝕, 盒SR1加十蚊$360買入...對我黎講係用十蚊買模型一樣咁爽
反正隻Game玩黎玩去都係一樣, 再玩落去只係無間地獄, 不過走出一個地獄, 轉頭又跌入另一個無間..
唔知第12號會出咩呢:(

白色成形色同SR3差唔多, SR1少D綠色
上網睇有初回版既人, 甲內側D刻線好淺, 但係我呢盒好深....唔知點解呢?

矽膠, Resin 倒模複件小試(成功編)

一開完B模整爛左一度, 用AA膠黐返 XD

今次冇預先種Runner入去, 太粗喇, 後尾先介上去好過

開槍手指要堆高一塊, 其實唔推都得, 不過難D走氣, 用呢個方法甚至可以整到Under gate...超得閒既話

最理想就係從下推上去, 不過上面要用多好多Cast料先可以將D料推晒上頂, 理論上灌落同推上既質量比例係1:1, 即係消耗比實際使用多出一倍..
我呢D計縮數既人, 代價係失敗一次, 不過最怕小數長計..諗緊一個方法要倒入同排出都可以用黎成形, 可能係再失敗多次先會放棄呢個諗頭..
今次個模冇問題, 不過Runner設計上唔係一take OK, 試左三次, 倒入位都改過. 圖中打左藍色交叉. 混合左上灌 &下灌兩種方法, 上灌既要訣係:倒入口唔好o係最高點, 因為最高位留黎開氣孔, 即係灌入口要比氣孔低少少, 圖中出氣口o係ball joint度, 注入口就o係手腕..

一地屍骸, 頭一次倒就係runner設計有盲點, 但係之後check過無問題既模, 都硬係會有一D位倒唔到, 有晒四隻手指, 硬係好似刺客咁少左隻無名指...

最後係拍爽身粉入去, 唔知係咪有效定係撞彩, 一打開見到呢個畫面, 超滿足.

走氣口好細, 仲好少flash, 表面半光澤好似象牙筷子

RG RX78膝頭, 右邊件係前晚整, 用同一個模, 今日cast既好少flash, 分別係夾住個模果塊木板cut細左, 只係頂住中間就夠.
Cast料整到好頭暈, 等過完年買HGUC Sinanju同GM Custom 再開模複拳頭

矽膠, Resin 倒模複件小試(失敗編)

拎晒D HGUC出黎, 揀有用既手掌, 方掌黎講 ReGz, Unicorn, Nu既款係一樣, 但係Nu既大少少, GP03同吉姆既平掌又唔太自然, 最後用晒Unicorn既黎複, 不過未有拳頭, 要等買GM Custom先..
圓掌黎講, 存貨之中得Assshimar同雅典那宮殿有拳頭, 但係掌心唔係自護既Y字掌紋, 最後醒起EX-鬥狼有拳頭, 唯一一個自護拳,
只得左手. 仲係搵唔到Sazabi Size既拳頭。 Zaku Grand war set既開掌手指太幼, out. 京寶凡, 梅力沙,
Zaku F2, Fz都有幾種開掌, 京寶同F2好似係一樣, 梅力沙果隻最detail, Bandai要分兩part黎啤, 但係唔係自護掌紋,
通用性黎睇, 又out. 最後揀左京寶.. 仲有Gelgoog Marine既肥開掌複俾大魔用.

最首先要複返RG 78個膝頭.. 太貪心塞左太多手掌落去(下面就知)

吹氣泡.. 之前氣壓唔穩原來唔係個泵有事, 又唔係水隔, 竟然係支筆, 唔知點解氣壓跌到零, 拆果條lever出黎洗完好返晒..

等左成晚都未乾, 溝矽膠既比例同原子灰一樣, 100:3, 唔通溝錯左..係就大獲有排洗..最後拎去窗邊暖下, 唔駛一個鐘變固體....溫度真係好大影響, 之後既模都係放o係電腦隻牛上高等

呢舊黏土幾正, 一D都唔黐, D摺紋一推就平

倒埋B模, 軟淋淋, 好鹹濕
郡氏塊紅色底板唔直, 搞到D藍色圍邊歪晒, 千其咪買

呢part失敗在倒入口擋住左疏氣口, 因為果兩條牙簽係後來先加, 當時未發覺有個U字位一定要出氣先倒到..

手掌全部都冇向上既死角, 仲以為好醒..

o係最底介條坑打通晒每隻手掌

倒既時侯就1,2,3,4順住倒, 第五個走氣

準備倒, 好緊張

手震震, 搞成咁. 仲有D溝唔勻. 好彩溝唔勻既料o係杯底, 冇影響到件

好多flash, 手掌有一半唔用得, 最吹脹既係, 唔用得既位唔係無cast料到, 不過係中空...(左上角), 如果有真空吸, 呢個模相信可用的

修改之後再倒, 不過都係唔OK, 另一個模開發中, 今次分開黎倒
RG個膝頭就OK, 只係分模線厚左少少. 所有detail都o係度. 好過之前用自由樹脂好多
搞完矽膠得返半罐

今日去富聯買左D料準備複件

今日終於落左觀塘東廣場食熱狗...田園風味+洋蔥+熱朱o岩o岩用盡40蚊coupon OKOK正
之後去偉利買新出高達單支裝專用油, 隻白色睇落冇乜特別, 所以只係買左Sazabi紅, 原來10ml要成$18支, 同舊裝18ml同價
之後去左旺角富聯買金剪同複件料, 幫我執左個基本餐
日本Adapt RU10A+B $72
日本13矽膠+催干水 $98
脫模膏 $16
黏土 $20
GSI Mold blocks(細) $49
GSI Mold block plates $69
金剪$170 (觀塘偉利賣$168)

PS 富聯2月25搬去皆旺21樓1

去澳門都買到模型...Wave 144 五星 Engage SR3

o係香港有見過呢盒有初回要三百幾.
去到澳門除左咀香園就乜都冇買,唔係幾滿足咁,咁o岩撞到入去一間叫 玩具城 既舖, D高達類果D算價錢合理, 有兩盒Engage標價299葡幣,
冇初回既香港應該2百中左右, 冇買到行左出去, 再行左一陣街, 都係興之所致, 幾大就幾大, 沙蟹就炒蟹...返轉頭買左SR3, 俾港幣,
竟然仲有得找返港幣, 仲計返滙率, 收我500再找返216, 即係盒野買左284....
見慣裘諾安果隻寇拉斯綠色, 所以冇揀SR1

開盒, 隻白色都係有少少寇拉斯綠...俾我有一日砌既話, 都一定會加返一兩滴落去

水貼都係赤裸裸o係度, 駛唔駛連紅色線都俾埋水貼呢?...就咁睇說明說都有D野係錯既

見唔見有刺客呀?

得翅客...

去漁人碼頭原本諗住食非洲燒烤, 原來改左做bar...
冇得食, 去左間野食呢個香草燒羊扒, 點知係超正
D Basil味好以o係入面湧出黎咁, 加埋舊肥膏有D牛油既香味..
最後果塊肥肉我留返埋左單, 找埋錢, 先至放入口, 行出門口先一路慢慢o趙

新既Gundam專用色出左.

尋日笑笑團完, 行過偉利有郡氏新Gundam color
一隻新既連邦白, 好似係藍藍綠綠的
仲有之前只係有Color set既大魔紫,Zeta藍,Sazabi紅...
儲開既我又要買lu.

笑笑團2011 HGUC RX-0 Gundam Unicorn mode完成

臨尾上topcoat果日個泵先黎發神經, 冇晒力咁, 搞到上唔到半光澤, 只夠力薄薄地噴啞油...仲要最尾收野時潑左D膠水落去腳板, 蝕晒入去腳板底D紋度, 又要磨+補 重新上色...

今次製作白色用左暖色底, 否定金屬色存左, 純綷用'印刷色', 放得耐都襟睇D...睇返自己之前砌果D野好多位係金屬色好新手feel+睇厭左. 另外加左D啡色入去關節度, 諗住好似FIX果D插圖咁有啡色高光
雖然加左對眼俾佢, 不過唔閃燈好難影到, 除左加眼同剷除機界格靈炮上面D味精細部, 近乎OOB, 無呢呢路路果D野, 咁就做多D分色囉.
滲線係用左啡色溝灰色.
天氣凍皮膚dry, 周圍都係塵黐晒o係D深色位度, 同埋成隻野白色, 影到深色得黎白色又爆晒...搞左好耐先影到

睇唔睇到對眼呀?

關節溝左啡色修飾

背包噴嘴入面係大魔既藍藍地灰色

腳板底跟OVA分色, 其中一隻係舔過膠水後救返的.

已經移除左機界格靈炮上面D味精細部, 重現返原作個樣

呢幅相睇到隻白色打左暖色底既分別..