未試過病得咁甘

尋晚到依家, 不停係咁痾同嘔, 食咩落去轉頭就嘔返出黎, 第一次嘔蛋糕, 第二次嘔成餐麥記, 好得意喎又, 我夜晚食M記, 之後食蛋糕, 嘔出黎個次序係跟返的, 之後飲左好多水, 第三次就嘔水, 一直訓唔到, 一訓低就反胃, 之後試下飲奶, 今次仲奇, 連尋日晏晝D紅豆冰都嘔得到出黎, 個口好乾好想飲野, 又乜都做唔到, 坐o係度睇無記劇, 全身軟晒又痛又慶, 耳仔都盟埋好似潛水咁, 依家只可以食生果同飲葡萄適,利賓納,煲薑茶, 每兩個鐘只可以飲一杯量, 等佢落左格先可以再飲, 但係個口好乾好想飲野, 有幾次飲多左幾啖又即刻嘔

SM Cage 定係MS Cage? 入手without Unicorn

搵到人賣個架俾我, 即晚交收$200 連四人仔, 之前賣左盒MG ZZ $200, 用左黎買呢個格納庫, 大大盒ZZ,
亦等於重戰機X2, 比起呢個區區四板件既格納庫, 我覺得值, 買得開心, 呢個就係我既價值觀, 左手排生排死買平野慳錢, 右手重鎚出擊買心頭好。
之前買Ka版Unicorn $298, 加埋呢$200, 其實同買一盒OVA版差唔多, 不過又要賣又買, 好唔化算, 所以散買個Cage好過, 需然之前話等佢出FA版(因為個架後面有足咁多武器插位) 諗落都係唔想買多隻 unicorn, 反正FA對我黎講唔係必須, 但個架就好鐘意,
就算將來有翻件, 都要百幾蚊喇... 而且Ka版外型點都好過OVA版, 小腿後面果幾塊鮨係好重要既象徵, 好多描寫傳說既獨角獸,
腳後面都有一團軟毛, 有Ka氏既A字腳站姿, 膝頭屈唔到90度一D都唔重要, 有幾可見有人影Unicorn真係擺屈腳pose呢

硬係覺得Gaia D問題產品出唔到純色

所以咁遲...(?) 睇定D好, 隨時有意想不到既事
http://www.gaianotes.com/products/gaia-color_primary.html

又係為左養鼠

今個星期已經用左七百幾蚊養鼠, 幾乎係我半年買模型既$, 計落果D pet dollars, 用$20入會, 其實一年都未必儲得返 $50=1 pet dollars, 要1000蚊先賺返入會費..

尋晚訓唔著, 諗諗下都係唔好博, 同埋唔好好似細個果時咁求其養野, 今日拎其中一隻返去換, 又換到喎, 加錢換尿砂, 咁仲有兩隻鼠, 都要分籠養, 買多個籠, 竟然見到有日本牌子Marukan MR-258, MSRP係4200円, 用$95近二五算入手, 同用$100買重戰機一樣咁抵(開倉買筍野果種興奮依家仲好fresh), 即係呢個, 兩層覆式, 有兩個地洞, 跑輪可調鬆緊, Size同之前果個差不多但就多好多空位, 成個籠D透明位都好通透, 有D脆脆地但好dollhouse feel
はむはむキューブハウス
場所を取らないコンパクトボディーに楽しい機能がついてペットも大喜び！！
・地面にトンネルを掘って暮らす野性のハムスターの生活を観察できる、透明巣穴付！
・ベアリング機能、回り過ぎないブレーキシステム機能採用の回し車付！
・パイプはしごでロフトにラクラク移動！

http://www.marukan.org/catalog/?no=2&l_no=2&s_no=1&page=2
標準小売価格      4200円（税込）
組み立てサイズ     Ｗ230×Ｄ220×Ｈ250mm
セット内容     ・くるくるフラワープチ
・おしっこトレイ
・巣穴
・ロフト
・パイプはしご
・ウォーターボトル
対象動物     ロボロフスキー・ジャンガリアンなどの小型ハムスター

隻倉鼠死左喇, 四日..

買返黎之後佢唔多周圍走...以為佢性格係咁, 訓覺果時心口上落好勁, 今日上堂前見佢扒o係樓上訓, 平時唔會訓果個位, 上完堂返黎唔夠一個鐘, 仲講緊電話話買左魚乾俾佢食, 一睇佢反轉左, 掂下佢唔郁, 已經知佢仙遊左...check佢一陣, 肛門缺提, 又凍又硬, 諗左一陣先決定包起佢掉, 只係四日都好唔捨得, 生前勁得意架, D毛好似松鼠狗, 遲D先補返佢既遺照... 女人好唔憤氣隻鼠四日就bye左, 名都未正式改, 跟住要出MK再買過, 已經搵唔返金色呢個品種, 結果係買左一隻銀色同一隻杏寶(購買慾?), 依家就三隻屈住o係個手提籠度 舊果一隻好似好驚新來呢兩隻, 人地只係行埋去聞下, 佢就郁手打人先, 但係又唔夠人打...2揪1, 耳仔已經崩左少少, 之後幾日唔知會越打越勁定點樣, 依家三隻一齊訓緊又好似冇事...

食熱狗, 養倉鼠(又)

女人尋晚去左個friend屋企, 見到人地養, 今朝早打黎就要我出MK買...
原本諗住去油麻地利廣模型搵HO scale既配件...但係十二點半去到都未開(1:30)
跟住行去窩打老道 食德國熱狗, 試左三隻, 德國脆皮腸, 脆皮煙肉火腿腸, 扭倫堡腸
食後感, 我既排名:
1. 咖喱雞肉腸, 食咁多次都仲係咁正
2. 脆皮煙肉火腿腸, 味道似"腸"多左D唔同既野, 又講唔出係乜
3. 意大利Pizza腸, 真係pizza味
4. 扭倫堡腸, 有D似豬柳味, 再加D疏菜咁
5. 德國脆皮腸, 真係冇乜特別, 似IEKA家私果D腸, 好普通, 唔會再食...但係人氣超高.

倉鼠以前都養過, 果時買四隻後尾生左四十幾隻出黎, 今次唔買灰倉鼠, 一隻金色同埋一隻淺啡, 都係仔, $70, 金色果隻好怕人, 唔郁唔跑, 成日訓, 啡色果隻成日跑步, 冇打交.
以前養只係俾佢食D雜牌糧, 依家有D乜維他命添加, 又有蕉有蘿白士多啤梨咁盛, 所以一陣我會試下自己食幾塊($80)。 又以前,
以為沖涼係用龍貓果D灰, 錯左好耐, 依家先知倉鼠係用另一隻粉($65), 仲有床, 用綿花做, 可以食($32), 最後個籠, 有兩層,
包晒水樽,糧兜,跑步果個轆, 樓上細屋, 滑梯, 一盒過($78)