28-1-10 一入

厭左田宮果D一掂thinner就現形既灰筆地, o係大雄見到finisher's呢罐綠色resin putty, 聽講唔收縮, $43就入左, 淨容量得20ml, 即係三分一罐左右
之前支摭蓋膠, 個蓋冇擰實, 成支乾左... ...
Extra thin 膠水轉左用郡氏, 之前田宮冇問題, 不過綠色蓋同水貼用果支Mark softer一樣色, 聽過有人講意外拎錯支extra thin膠水當mark softer咁茶o係水貼上面...唔想發生o係自身上

1/35 百式 頭像 完成

埋尾都係好多意外, 頭頂有D位好難set, 整到花油要磨走再噴, 跟住又斷電線, 仲要o係已經黐死左既頭入面, 對眼罩又薄又彎好難黐, 總之瑕疵多多, 表面有D凹位, 水貼消邊又再浮返出來... 只算係有顏色,砌起左,完美分我俾40%
頭上面果個王冠入面D線位好核突, 我用豬紅色填滿佢...無心插柳觀感上有D似卡碧尼果三條線
以前行過商場見過呢個頭, 但係D金色唔知係氧化定咩, 變到咖啡色咁, 我希望呢隻唔會...
D相既角度係抄人既...
最後有兩張立體相, 用鬥雞眼睇
Youtube slideshow

收到回覆原來唔係咁多人都睇得到鬥雞眼立體圖..
呢張相幫你睇立體相, 慢慢鬥雞眼, 會見到四點白色, 將中間兩點白色結合為一, 可能要坐遠D或者近D

1/35 百式頭 進度十三

水貼消邊..printer print既水貼好薄, 一省就冇左

花左要省平再噴(黑點)...唉

1/35 百式頭 進度十二

Unmasked!
滲線同啞光後...原本兩隻色之間條線好分明, 滲完好似模糊晒咁, 噴啞光o係灰色位又白化, 要再噴, 我都係唔適合滲線同用啞光
果條粗電線要用力hold住黎黐先定到形, 好彩D件都仲算o岩位, 就咁用橡筋扎住都唔走樣, 黐就用A+B透明Jal來黐, 冇超能膠咁脆, 幾分鐘set實, 唔會白化, 黐錯又可以用X-20抹...

 

噴camera, 我想噴到唔著燈都可以穿過副黑超睇到對眼, 但係黑色太黑遲下要再噴, 金色未抛光, 假組上黎睇下先..

1/35 百式頭 進度十一

欠滲線 水貼 啞光就攪掂內構...
所有綾角反光好似成身有白線highlight咁, 一向堅持唔用啞光今次要屈服..點解會咁?我唔知, 同以前唔同既就只係加左GX白, 一閃光就好似現晒D白出黎咁

1/35 百式頭 進度十

重噴黃色, 唔要陰影
開始左內構, 應該兩日內完成上色

1/35 百式頭 進度九

金屬色打黑底(迷信與事實?), 我有D parts就咁噴o係灰上面, 又的確係啞D, 似乎係光澤vs啞面既分別, 當然果件part我磨左再噴..以後都會照噴黑底

金色純綷用SM02, 原先諗住用透明橙黃噴陰影, 但係想像到出黎個效果會好似Gaia 122咁, 似小農社會暴發戶果D新絲蘿蔔皮,
係人都睇得出係用透明橙黃溝出黎既金, 好似冇咩內涵, 所以打消左果個念頭, 而先前噴左陰影果D parts(橙黃色) 要重噴(減陰影)

水貼, 呢個彎好難貼, 影完呢張相之後, 我炒左粉, 諗緊計補救

1/35 百式頭 進度八

噴黑色, 同埋SM04 不銹鋼, 比SM01 Silver有重量感, 今次用Gaia T09來開, 分別唔大, 我估用返Gaia油或本身粗粒既油效果會出D。順便用光澤黑來check花痕。

我好cheap. 溝油只溝到o岩o岩夠用, 一出錯就會舐野, 噴金色外殼前要噴左頭上內構同一次過噴晒紅色位置先, 因為要襯落金色度,
塊面兩邊有兩點紅色, 所以紅色我唔會用鮮紅(會好似巴西龜) 而會用類似Bandai版百式腳板果種Burgundy紅。因為隻紅沉色,
黃色都換做偏橙少少既, 用Gundam 2號黃, 即係京寶凡、Nu既黃.. 內構灰色位會由紫灰色改成啡灰色, 用EVA既武器色同60號

 


Mask好部份金屬色內構, 同時一邊補putty, 但係會先攪左金色頭先, 等光油乾時, 再噴內骨灰色位
 

masking有少少漏出, 用粗目打磨膏救返

1/35 百式頭 進度七

天真以為上灰後好快就可以上色, 為抛光做準備, '省'到盤水都變左暖水(對手變凍), 指甲想甩出黎...
金色部份驚死, 用1200號來省, 其他就800號, 無意外就可以開始上色

跟件來果塊樹脂又黃又厚又彎...再拉頭cam 吸塑 (裝左入去o係相度唔係幾睇到.)

1/35 百式頭 進度六

o係條頸粒ball joint 交叉穿左兩條PE膠落去, 條頸夠力唔會條條fing...

G=sys叫呢隻野做Refined type, 我就將佢De-refine lol, 整返做重戰機神主牌額頭, 頭cam燈換返做綠色+紅眼, 粒綠色LED係本身有顏色既, 唔著既時都見到有色
粗粗地執左次之後上Resin primer, 薄薄地噴左幾下, 見到好多氣孔同花痕, 之後索性開杰D油, 好厚好濕咁達上去, 乾左之後用牙膏putty再補

1/35 百式頭 進度五

今日去真人Show順便去大雄買左D野
Gaia T09 金屬色開油水: $99
Gaia EX01, EX02: $49/50ml, 如果買Mr.color GX1,GX2既話, $17/18ml, 買三支就$51/54ml, 但係Gaia油又杰少少, 性能差唔多既話, 咁你話雞貴定龜貴? (不過Gaia其他色我就不敢恭維)
Tamiya 打磨膏 細目: $22

個頭冠都仲係唔順眼, 但又真係唔鐘意佢摭住頭cam同好厚咁一舊鵝冠, 所以想再進一步改成神主牌, 原先係向前傾凸出黎, 依家想將佢向返入少少, 將綠色線變成互相水平, 藍色線就"串連"起, 我o係紅線果度cut...

就咁一cut, 又連厚度, 闊度, 電源開關都要修改

應該似返D 重戰機L-Gaim 掛?

修補返崩左既位