1/35 百式頭 進度二,三

之前睇過New-G果個GP02成品, 佢地唔係跟說明書咁砌用原本個裝電池位, 而係另外疊個電池盒塞入個頭入面
今次我呢隻百式改左個電池盒, 方便換電, 原本個電池盒係U字形咁套上去, 要成日扯住D電線, 依家掉轉佢, n字咁向下開口入電, 就應該冇咁易打柴。

受力位入左銅支, 前額變型左右唔對稱(就算原件既相都有呢個問題), 補左待打磨

拉吸塑膠, 因為recast冇俾埋個眼罩, 所以要自己拉吸塑。
用膠紙度左個template

Cut成膠板

大致上屈成弧形, 黐o係碌棍上面, 吸塑膠就用其他產品包裝既透明保麗龍

整左幾次, 經歷過 錯size, 再做過template、 用錯力拉得太薄、加熱得太耐...試左六七次失敗, 終於有兩副 象徵古華多羅大尉副黑超既眼罩...

1/35 百式頭 進度一

因為係翻件, 收縮事少, 好多detail位俾Cast塞住左...要雕返出黎

基本上成身都係..下圖只係其中一處, 中間條野俾cast料黐實晒

雕完, 算係有返個形, 不過未上灰都唔知係點, 我估好花下...

不過奇在雕雕下有D位係軟, 唔係cast, 係個模D硅膠, 即係脫模時扯爛左個模, 下一件開出黎既件一定爛上加爛...好在我另外果D 首辦係New G原件, 以後唔會再舐翻件.

收縮位, 頭炮頂住左入唔到, 剧開佢再黐返就o岩o岩好

中文版Gundam UC Vol.8 連新安洲Bazooka 入手

翻開本書, 見到D嘔心野, 個pose係天使腳既新安洲, 即刻返去頭頁睇下係咩人負責: 虎哉孝征 真係多謝晒, 新安洲既形像俾你破壞晒喇, 如果唔係後面有字我真係想撕呢頁落黎...

遲遲入手, 因為一早o係台灣博客來訂, 埋單成百二蚊, 但係星期日先發貨, 今日仲差D收唔到
今次博客來用DHL來寄, 我收到tracking number之後即刻上網睇, 今日朝早見到有一句: 已嘗試遞送；收件人不在,
時間係十分鐘前, 但係我一直o係屋企, 電話冇響過, 所以即刻打DHL CS hotline, 一check之後原來電話number錯左,
即刻改返, CS答應今日3點後再送..
成個下晝都係等聖誕老人既心情...等到送黎即刻拆開, 外面DHL張label個電話係錯的, 但係入面博客來果張就冇錯, 即係唔係我order時入錯...好彩我打一打電話, 如果唔係有機會打回頭, 不過CS就OK快, 算目標達到(?)...

Silent Hill Homecoming 入手

$198.  .二手都搵唔到...轉頭見商場舖賣三百幾, 即刻返落去買

電擊hobby 1月號+ 1/48 Unicorn頭入手

信和賊船入手.. $158
因為收到風中文版唔連頭

Assassin's Creed II 白色 限定版

今次真係勁開心，
事關<刺客教條II>限定版有分黑色版同白色版，而白色數量冇咁少。
本身一心諗住只能入到二手普通版，不過有人話買限定版俾小弟。
結果，經朋友o係佢樓下以筍價斑到隻白色版。

當場對比過黑白內容有咩分別，不過無影到相。
限定版內容︰
1, GAME
2, Ezio figure
3, BOUNS DVD
4, 下載卡一張(Santa Maria Del Frari,同黑版唔同)
除左頭同裙之外其他都同黑版唔同..鞋,胸甲,手就,武器,斗逢都唔一樣

對比白版原CG圖，外型大致一樣。

敗左Xbox 360

話說尋日去Marcolau度試過晒Xbox 360同PS3. 兩部都不相上下, 最後一秒先決定買XO

內容物(左下角果條線唔係架,只係我張capture card用)

依家棟直放o係芒隔離, 駁落PC張TV capture card度...
要整個套, 唔用果時笠住佢防塵
即刻上live同Marcolau打Gears of war 2... 咪chat係預期之外既新體驗...
我ID: ingenhk


最估唔到係, XO駁住Nevigator部ADSL機, PC又駁住部ADSL, 兩部都可以同時login..

賣左跟機果隻lego batman/pure(全新), 竟然有$80收返
跟住買左二手Assassins' creed($140), Alone in the dard $60
我估D人都唔會睇入面本menu..因為好似冇開過咁, 只係個盒舊D. 冇花

custom made咭紙盒, 用來防塵

Gundam UC Vol.7 中文版入手

角川話今日出, 連我樓下都有了. 好準
$55 (53)

Gundam UC Vol. 6 入手

原來樓下商場都有賣..乜出得咁密, 下個月又有
近排睇緊Wing Gun動畫. 原來都唔錯喎. 死又開多範

影下櫃

Gundam UC Vol 5 入手

Gundam UC 5 $47 @ 信和
Tamiya Basic putty $18 千里達
Gunze 1000 surfacer $22 英明

近況之 .有Job搵上門

呀. . 早幾晚... K小突然MSN俾我, (有睇開我blog就知)
我開頭懷疑可能係我女人夾埋佢黎Set我屎碌架. 所以我唔敢reply佢咁多
直至佢直接打我手提. 我接..佢開頭問我近況做緊咩果D野, 我都仲係懷疑係屎碌架...
之後佢話之前個dept. head已經冇做. 仲諗住o係出面自立門戶, 有D 傳單,門面,logo果D野要設計, 又請唔起full time, 想搵我當freelance咁做.

今日呀head就打俾我, 我出去同佢傾左一陣, 佢都係同老細炒野之後唔做...自己o係出面再起一個檔口, 做同樣既野,
對我黎講呢個消息都幾快人心, 佢會撬埋K小過檔, 所以黎緊我可能同返佢地做野, 要呃住我女人, 如果唔係又有排煩... 呵呵. 有錢買PS3了.

舊作空心五星 LED Mirage

點解整個咁既post...因為佢已經唔存在了...

HGUC 1/144 Gabthley, BLOG友笑笑團2010

整多左一個頭..可換裝..因為我唔捨得改野 後冇左原裝個樣{:1_262:}
陰影用主色+黑來噴, 之後噴主色時大刀闊斧...摭晒陰影乜濟, 所以再噴多次+白高光...但係實物都係要好似check壞雞蛋咁check先見到...睇相直情唔見..lol
全身都有D紅色包住黑色既姿勢控制噴嘴...用法瑯油噴紅, 噴光油之後再噴黑...橫掂都係整, 噴埋上次唔記得噴既漢堡包...順便加水貼, 同埋修正返心口D誇張陰影
變型玩花晒...但係個設計超正, 有生之年要砌多隻