今次冇預先種Runner入去, 太粗喇, 後尾先介上去好過
開槍手指要堆高一塊, 其實唔推都得, 不過難D走氣, 用呢個方法甚至可以整到Under gate...超得閒既話
最理想就係從下推上去, 不過上面要用多好多Cast料先可以將D料推晒上頂, 理論上灌落同推上既質量比例係1:1, 即係消耗比實際使用多出一倍..
我呢D計縮數既人, 代價係失敗一次, 不過最怕小數長計..諗緊一個方法要倒入同排出都可以用黎成形, 可能係再失敗多次先會放棄呢個諗頭..
今次個模冇問題, 不過Runner設計上唔係一take OK, 試左三次, 倒入位都改過. 圖中打左藍色交叉. 混合左上灌 &下灌兩種方法, 上灌既要訣係:倒入口唔好o係最高點, 因為最高位留黎開氣孔, 即係灌入口要比氣孔低少少, 圖中出氣口o係ball joint度, 注入口就o係手腕..
一地屍骸, 頭一次倒就係runner設計有盲點, 但係之後check過無問題既模, 都硬係會有一D位倒唔到, 有晒四隻手指, 硬係好似刺客咁少左隻無名指...
最後係拍爽身粉入去, 唔知係咪有效定係撞彩, 一打開見到呢個畫面, 超滿足.
走氣口好細, 仲好少flash, 表面半光澤好似象牙筷子
RG RX78膝頭, 右邊件係前晚整, 用同一個模, 今日cast既好少flash, 分別係夾住個模果塊木板cut細左, 只係頂住中間就夠.
Cast料整到好頭暈, 等過完年買HGUC Sinanju同GM Custom 再開模複拳頭
3 comments:
真係需要好好bookmark這一篇，值得收藏呀！
[版主回覆01/25/2011 18:43:00]記住要睇失敗篇..
成功啦!! 弓起弓起!!
之前我都試過倒首辦頭, 仲複雜過手板 拉爛左個模之後就頹左啦 而家都唔知再買一set野好定比錢搵人複好=.=
[版主回覆01/28/2011 13:44:00]我將壞模切粒粒撈入新模, 可以慳到30%...
Post a Comment