尋晚3點半打定你訓醒睇, 尋日晏晝發左D奇怪夢, 間屋覆牆生左好多水喉出來, 地下有好多籌碼, 我估係o係個夢入面我訓醒, 見你走左, 我再訓, o係個夢入面你o係床底跳出黎訓o係我隔離..跟住我又發返覆牆有水喉果個夢, 發發下又醒, 你又唔o係度, 我見你個袋仲o係度, 諗你未走, 再訓過, 再發返幅牆個夢, 之後再醒都成五點幾, 睇清楚你走左, 我都唔知你係幾點走, 都唔知你有冇跳過上將床, 同埋行出廳扮走, 我先至後悔, 你原來黎想好似平時咁過一日, 黎到我又趕你走, 我睇返YM history, 我有打過一句"你來" 係叫你夜晚出, 我又唔知你聽完以為我叫你過黎我度, 你打俾我話即刻過來, 我唔知做乜要黎, 係咪黎鎖住我唔俾我出去, 但係又驚叫你唔好黎你會即刻癲, 所以由得你來左。
正話係地鐵APM出口等人, 又醒返起果時搵你去唱K, 你o係果個位等我, 我果時已經好開心你肯花精神等我做呢D野, 依家我o係YM打一句叫你來你就即刻過來, 我都唔覺得特別, 我對D愈熟既人態度愈差, 以為人地既付出係我一出世以經整定有既權利, 對住唔熟既人先會識得唔好意思。我成日只係想你來可以一齊訓, 我日日訓覺要等到好眼訓先至肯上床訓, 係唔想訓o係床度合埋眼, 等成三個幾鐘都未訓著, 你黎過夜我就唔駛自己一個望住塊黑色野等到天光先訓。
我叫左你好多次都唔得, 就算你會突然間搭的士黎, 諗住你會陪我訓, 但係轉頭又走左去, 廿四小時之內已經有兩次我訓緊時侯你走左去, 我訓醒先知, 我都唔知點平衡返成件事, 肥婆以前成日係咁, 佢o係廚房度我就成日訓著, 跟住佢就偷走落街...我估,肥婆頂盡陪到我前半世, 我下半世要同你一齊, 因為一齊果時舒服, 成身會背脊軟晒, 我要o係度寫低, 一世人既時間只會過一次, 唔想再o係度拖o徒晒D時間, 我幾年後可能要搵返呢段野出來, 因為到時你會o係床度叫我快D訓, 我就淨係整模型上網唔理你, 你再講多句我就會大聲...我預見會係差唔多..到果日我完全唔會記得今日我曾經有幾恨可以過夜, 等如我今日唔記得果時o係MTR APM 出口你等我...
No comments:
Post a Comment